Кога правиш онлајн резервација во продавницата на FlixBus, едноставно штиклирај го полето ClimatePartner „CO2 компензација“ откако претходно веќе си ја избрал/а посакуваната дестинација во Европа. Потоа, се пресметуваат емисиите на CO2 од твоето патување врз основа на времетраењето и растојанието на твоето патување. Пресметаниот износ автоматски се додава на цената на твојот билет. Твојот придонес во заштита на животната средина изнесува околу 1–3% од првичната цена на чинење на билетот. Твојата донација се вложува во некој сертифициран проект за заштита на климата согласно меѓународните стандарди за животна средина.
Автобусите на FlixBus се докажано ефикасни во поглед на потрошувачката на гориво и испуштаат многу ниски нивоа на стакленички гасови. Се разбира, тешко е да се патува без воопшто да се создаваат емисии на CO2, дури и кај најеколошките автобуси. Поради тоа, во соработка со ClimatePartner, на сите наши патници им нудиме можност да го компензираат влијанието врз климата од нивното патување со автобусот на FlixBus при правење на самата резервација. Согласно начелото на шемата за тргување со емисии, при правењето на резервацијата ти се нуди можност да дадеш доброволен прилог кон заштитата на животната средина, којшто се вложува во некој сертифициран проект за заштита на климата и се компензира соодветното количество емисии на CO2.
Со твојот придонес за заштита на климата во 2016 година го поддржавме проектот за ветерна енергија на Карипскиот остров Аруба. Тоа подразбираше финансирање на изградбата и на одржувањето ветерни турбини како алтернативен и одржлив извор на енергија. Ветерната фарма на островот е важен пионерски проект за искористување на регионалните и обновливите извори на енергија за целиот Карипски регион. Со вложување во капацитети за ветерна енергија, се зголемува сигурноста на националниот систем за снабдување со енергија, се придонесува кон глобалната заштита на климата и се унапредува развојот на одржливото производство на енергија. Покрај заштита на климата, проектот има важен придонес за локалното население: